Ḍubạ daḱte Họṛ Hopon ko ḍubạḱ kana

Mohespur ato, Dinajpur khon monhḍa kate teheń tikin Ḍhaka raj nagrateń ruạṛena. Hola ńindạ 9pm reaḱ basreń coghe lena. Ạḍi ạcur kate teheń ḍhakań tioḱ keda. Agosṭ 12-15, 2017 Mohespur ato, bocagońj, dinajpurreń tahẽkana. Mit́ṭen puthi oṛaḱ (library) tear lạgit́ onḍeń senlena. Menkhan Agost 12 mãhã sạnicar ńindạ khon jaḍam jaḍam daḱe ehop keda. Ńetar koren gidrạ ko do̠ serma daḱ eken ko ńelakada. Daḱ jạput́ cet́ kana ona do̠ paseć bako baḍaea. Pe din khon kajaḱ daḱte goṭa ho̠ṛ ato unum cabaena, aema ho̠ṛ koaḱ hasa reaḱ oṛaḱ dạsuṛen takoa. Jomaḱ, ńuaḱ, kićrić khạnḍuaḱ ko lohot́ en takoa. Ḍaṅra, merom, sim, geḍe, sukri, kaḍa, bhiḍi joto ko oṛaḱ khon ocoḱ kate iskul oṛaḱ teko idiket́ koa. Noa duḱ ńelte puthi oṛaḱ kạmi kạsni doń hape hataṛakada. Goṭa ńindạ onko reṅgeć ho̠ṛ hopon akoaḱ sanam lekan dhon durib kaṭham daḱ jokhen oṛaḱ khon ko oḍoṅ idiet́ kana Iskul oṛaḱte. Disam mukhia khon hõ men lekan goṛo noko nacar ho̠ṛ hopon jạsti do̠ bako ńameda. Noa ḍubạre oṛaḱ duạr khon ḍahar, rohoe hoṛo dare jotoge nasao cabaena.
Abo Santal ko modre aema hoṛ ạḍi bhage jagare ko kạmieda, ado ko do̠ sorkari adom besorkari, okoe do̠ bạnij bepari ar okoe coṅ jumi kisạ̃r menaḱ bona. Khobor kore hõ hoṛ hoponaḱ duḱ sasẽt́ reaḱ ḍher te do̠ baṅ ańjomoḱ kana. Onate jạruṛaḱ goṛo gopoṛoḱ bako ńameda. SASU-Dhaka, Dinajpur, Rajshahi, Ṭhakurgaore gharna thoṛa goṛope raḱaṕ daṛekea. Ape sanam koaḱ goṛote abo ho̠ṛ hopon nãwãte jiṅgiko khemao daṛeaḱ.
Baḍaeoḱ kana Bocagońj upojilare paseć 15 hajar Ho̠ṛ hopon menaḱ koa. Tho̠ṛa bad kate jạstige ḍubạ daḱte ko haronoḱ kana. Mison ja uḍić jom bańcao lạgit́ soṛe daka ko ńameda. Atoren ho̠ṛ hõ goṛo rakaṕ kate mit́ sańj jomaḱ ko tear keda. Samil Soren ạḍi jhukạl koṛa, uni hõ aćaḱ dheć leka cetan seć khon goṛo ńam ạgu keda onko ḍubạḱ hoṛ ko bakhra. Onate nehor SASUre juạn ko ape thoṛagan kurumuṭue tabonpe noko ḍubạte ko khutiakan hoṛ hopon goṛo sãohã lạgit́. Goṭa utạr disomge ḍubạwakana. Dinajpur, Phulbaṛi, Noaga, Joipurhat, Ranisonkol, Pirgonj́ salaḱ aema jaga. Noa neher do̠ eken Mohespur aḍepase reaḱ ho̠ṛ ato lạgit́iń oleda. Ińaḱ mẽt́ tege ho̠ṛ koaḱ duk haroniń ńelkeda. Jãhãepe daṛeaḱ khan noa dukrepe selet́ ar oṅsoṅ daṛeaḱa.
Go̠ṛo̠ lạgit́ latarre olakan noko ho̠ṛ sãotep roṛ daṛekea
Sudhir Hasda, Maced-Moheshpur Adivasi High School- 01763-921638
Samil Soren-Bhagman Ato-01744-734358
Edward Soren- Mohespur ato-01737-910808

Source: https://www.facebook.com/subodh.baskey/posts/10212042669493742?notif_t=feedback_reaction_generic_tagged&notif_id=1502885652453370

Share on Google Plus

About spbjobsbank